ГӏалгӀай паччахьалкхен университете наркоманена духьалара болх дӀахьу
ГӏалгӀай паччахьалкхен университето наркоманена духьалара болх дӀахьу. АргӀанара кхетаче дӀаяхьа дагадехар унахцӀенон Министерствонна, иштта ГӏалгӀай Республикан кагирхой политикан, туризма Министерствон болхлошта.
«Цу тайпара кагирхошта хьалхадаьккхар, шоаш а шоашта гонахьарбараш а мишта лорабергба цу зуламах. Къаьстта терко тӀаэзар кагирхой, цу унзарча наькъ тӀа ца боалаш лоралуш де дезачоа, студенташта из ийрча хьал ма дарра довзийтар. Из кхетаче вӀашагӀъеллараша кагирхошта тӀадиллар цу тайпарча хьалашка нийсвеннача сага новкъостал дар, уж лерттӀача вахара наькъ тӀа бахара царна гӀо деш хилар», - аьлар мехка вуза зарбан болх лелабераша.
Хьехархоша яхачох, уж хьежар дешархошта шоай могашал лораяр керттера долга довзийта, из йоаеш дола моллагӀа хьал юхатотташ хила безилга а.
