Илдарха-ГӀалий тӀара михо тийда тока саьргаш хувцаш баьхкар болхлой
04.04.2024 10:29
Геттара чӀоагӀа баьннача михо тока саьргаш тийдар Илдарха-ГӀалий тӀа. Чехка арабаьлар болхлой уж меттаоттаде. «Сердалога» из хоам бир шахьара администраце.
«Ах бийса яьлча денз, сердал йоацаш хиннаб нийса ах шахьарера бахархой. ЧӀоагӀа баьннача михо массехк моттигера саьргаш Ӏолегадаьдар. Сатассарца арабаьнна, цига къахьегаш баьхкар цу мугӀарера болхлой», - йоах тхогарча хоамо.
Михо хедаяь еррига моттигаш тоаяь баллалца дӀабихьар из болх. Дикка къахьега дийзар болхлой, хӀана аьлча тока саьргаш хийда моттигаш шахьаре дукха яр.
