Илдарха-ГӀалий тӀара № 1 йола гимнази тоаеш латт
25.06.2024 10:16
Боккха болх дӀахьош, тоае лерхӀ укх шера Илдарха-ГӀалий тӀара № 1 йола гимнази. Из хоам «Сердало» газетага бир гӀишлон балхех йолча Министерствос.
«540 дешархочоа лаьрхӀа йола гӀишло, мехкара дешара хьал тоадарах йолча программага гӀолла, кердача куца тӀа йоалаергья», - йоах хоамо.
Укх шера бӀаьсти дӀаболабир болх «ГАРАНТ» яхача гӀишлон балхаш деча фирмо. Карарча хана чура пенаш хьоахаш, кӀалхара кӀийле нийсъеш, кораш дӀаоттадеш, йӀовхал чуюллаш, бӀеха хиш дӀаухаргдола гӀирсаш оттадеш, боахк къахьегамхой. Дешара шу хьатӀаоттача хана, деррига йистедаьнна, кийча хургья гимнази, Дала аьннадале.
