Палестинерча Газе бахача наха лаьрххӀа новкъостал дергда Илдарха-ГӀалий тӀарча наха
12.11.2023 18:15
ГӀалгӀайчен шахьарашка, юрташка бахача наха Палестинерча наха новкъостал дергда, цу гӀулакха лаьрхӀа гуманитарни мухь кийчбеш ба. Газе бахача наха новкъостал дара Илдарха-ГӀалий тӀа лаьрхӀа моттиг хьайийллай, яхаш, дийцар «Сердало» газетага доал деча даькъ тӀа.
«ДукхагӀа эшараш йӀайха хӀамаш я, иштта хьалхарча аргӀагӀа ца хилча яргйоаца хӀамаш я, уж дӀаяла йиш я мэре. Царна юкъе хилча бакъахьа йолча хӀамай список оттаяьй. Уж да метташ, Ӏайбаш,ювргӀаш,зӀамига пешкаш, тӀабувхабу гӀирс, цӀено лелаяра бола кхоачам. Телефон: 8(873) 444-41-56», - йоах хоамо.
Бехке боацача наьха цӀий Ӏомехкадеш хиларо республикан а ерригача Россе а бахархой дог делхаду. Цу дикача гӀулакха юкъе дакъа лацаро тахан доккха новкъостал дергда Палестинерча бахархошта.
