Илдарха-ГӀалий тӀа тайп-тайпарча балхаш тӀара говзанчаш белгалбаьхар
Илдарха-ГӀалан кулгалхочо тайп-тайпарча даькъ тӀа болх беш бола говзанчаш, цар дукхача шерашка къахьегарах, шоай балхаш тӀа дукха толамаш дахарах, баркал оалаш, белгалбир, яхаш, дийцар «Сердало» газетага Илдарха-ГӀалан №1 йолча юкъерча ишкола викалаша.
«Дидиганаькъан Ахьмада грамоташ елар, Илдарха-ГӀалан дарбанчен керттерча лора Ӏалбаканаькъан Зарайна, лорий урхаллен керттерча фельдшера Мержой Мовлатхана, Илдарха-ГӀала №Ӏ йолча юкъерча ишкола кулгалхочунна ЧӀасанаькъан Заретайна. Цу моттиге доал деча кулгалхочо иштта совгӀаташца белгалбир, СВО доакъашхошта, цар дезалашта новкъостал лоаттадарах а «Даьхен Лорбой» моттигерча ганза шу дузаш хиларца а вахара гӀойлен даькъ тӀа къахьегаш хьабоагӀа Темарханаькъан Ӏийса, Оздой Тимур», - йоах хоамо.
ГӀалгӀай Республикан 32 шу дизарца даькъалбийцарашта юкъе ва юкъарла болх лелабу Гаьгенаькъан Ислам а.
