Турпала Парта хьайийллар Илдарха-ГӀалий тӀа
12.12.2024 10:03
ТӀема операцен юкъе вахар хаьдача Горчхананаькъан Ӏалихана лаьрхӀа Турпала Парта хьайийллар Илдарха-ГӀалий тӀарча № 1 йолча ишколе. Из хоам «Сердалога» бир «Даьхен лорбой» яхача ганза республикерча филиала болхлоша.
«Дика оамал хиларца белгалвоалаш, цхьан хана ший ишкола президент хержа хинна саг, массахана дегашка лоаттаве, цун эздий цӀи къаман вахаре яхийта гӀерт филиала болхлой. Ишколе ше мел яьккхача хана, массанена везаш, лоархӀаш, ший никъ боаггӀача боараме дӀахьош лаьттар Ӏалихан», - дийцар тха газетага.
2022-ча шера эскаре вахар къаман сийдола воӀ. Токмаке лаьттар из, тӀема декхар кхоачашдеш, цига белгалвеш майдилгаш елар цунна. Денала орден луш, хаьдар цу майрача бӀухочун вахара никъ.
