Илдарха-Гӏалий тӏа чакхдаьлар «Доккхий къовсамаш»
Гӏалгӏайчен Илдарха-Гӏалий тӏа чакхъяьлар «Доккхий къовсамаш» яха берий спортивни-салоӏама шоу, из ловзар вӏашагӏделладар шахьара 30 шу дизар дездеш, яхаш, дийцар «Сердало» газетага мэре зарбан болх лелабеча Мутаӏаланаькъан Мадинас.
«Проект «ЕРРИГА Шоу» Гӏалгӏай республикан физически культуран, спорта Министерствос новкъостал а деш, дӏайихьар 13-16 шу даьннарашта юкъе. Цу яхьашка дакъа лоацаш вар 25 саг, пхе тоаба векъавенна. Уж бар 8 даькъ тӏа баллаш даха дезаш, хьалхашка оттадаьча халача декхарга хьежжа чакхбаьнна», - аьлар хоамо.
«Цу тайпара шоу хьалхара дӏахьош яр вай республике. Моттигерча кагирхоша цу яхьашта йоккха терко тӏаяхийтар. Из болх вӏашагӏбеллараша шоашта хьалхашка декхар оттаду, хӏара из ловзар дӏа мел хьоча хана сийрдагӏа, пайданегӏа хилийта», - аьлар шахьара администраце.
