Илдарха-Гӏалий тӏа юкъара моттигаш нувхех цӏенъергья
12.05.2026 15:22
Хьатӏадоагӏача шоатта дийнахьа Илдарха-Гӏалан юкъара доазонаш нувхех цӏендергда. Шоатта ди дӏахьош да ерригроссийски тоае еза моттигаш хьаллоацаш, кхадж тоссаш хиларца дувзаденна.
«Ерригроссийски болама таро хургья салоӏама, кхыйола юкъара моттигаш цӏенъе, «Шахьара дика хьалаш хьакхоллаш» яхача федеральни проекта чудоагӏаш. Маьтсела бетта 16 дийнахьа ӏуйрийна 10 сахьат даьлча, доал деча даькъ тӏара бахархой гуллургба, шахьара тӏера куц хувцара», - аьлар моттигерча мэре.
Тхоца къамаьл даьчо яхачох, цу кхетаче дакъа лоацаш хургба волонтёраш, уж хургба кхадж тасса лаьрхӏа болча наха новкъостал деш.
