ДукхагIча даькъе дийцар лаьтташ декъача, шахьара гIишлош хьалъеча даькъа тIа кхааш ийдара балхах лаьца, из зулам юхатохара де дезар белгал а деш, иштта дийцар муниципальни даькъа тIара доалахьара дар доаггIача бесса леладара, зехьа ца доадара дош а белгалдир, дIахо белгалъяь оагIув яр «Формирование комфортной среды», «Жилье и городская среда» яха шахьара программа маьхалйоаккхача даькъе, цу гIулакха къаьстта кхааш эцара хьакъехьа аьлча, даима терко лоаттае езаш хилар.

Массаза санна, регионе гIолла, лаьттацара хаттар даима а ира лаьттад. Из массаза а хиннад ца тоаш. Цудухьа, бокъонах деце, из даккха гIертараш а, иштта из даьккха леладераш а кIезига бац. Шоашта хетар чакхдаьлча кхы дIахо йолча бокъонашта саг сагота а хилац, «цу гIулакха бехктокхамебарашца» барта а бахе шоашта хетар чакхдаккха хьож. Илдарха-ГIалий тIа цу хьакъехьа гIулакх мишта латт дийцар цу кхетаче хиннача шахьара администраце архитектурах, градостроительствах, лаьтташ декъара йолча отдела кулгалхочо Чуранаькъан Мухьмада. Цо хоам бир, 2022 -ча шера 140 уведомлени дIаяхьийтай гIишлош ярца а, ИЖС объекташ тоаярца а, е лаьттан даькъа тIа цIенош хьалдарца дувзаденна, цига хила еза бокъонаш а боарам а хьалхабоаккхаш.

Цу даькъа тIа дIабихьача балха, массехк кхоачамбоацараш гучадаьхад, аьлар Цуровс. Белгалдаьлар, цига шоай лоIаме болаш, шоашта хеттача бесса гIишлон балхаш дIадихьараш а, бокъонах доацаш капитальни гIишлон объекташ хьалъяьраш а, йоагIаш йола бокъо луш хилара оагIув лора ца еш, болга.