Илдарха-Гӏалий тӏа тоадергда хих тилла тӏий
Илдарха-Гӏалий тӏа тоаергья лоархӏаме моттиг – хих воала тӏий. Хӏанз укх сахьате, цунца бувзабенна болх беш ба гӏишлонхой тоабан доакъашхой, яхаш, хоам бу «Сердало» газетага машиний наькъий Министерствос.
«Болхлоша йиллача ханага хьежжа эргадоаккхаш латт тӏий. Из болх чубоагӏаш ба «Вахара дола хьалаш» яхача проекта. Къахьегаш боахкараша арматура юкъейохийташ плита юлл, хиш чугӏолла лела дезача турбашта кӏалха. Цунца цхьана нах сехьабувла тӏий тоадеш латт, - йоах хоамо.
Цун чулоацамо яхачох, керда хьаяь моттиг вай заман технолгеша дӏадехарашка хьежжа дика а тешаме а хургья. Хьалха хинначул дукхагӏа дозал хьалловш а дукхагӏа латташ а хургба цига карарча хана беш латта болх.
Белгалдоаккх, водителаш цу тӏаь тӏа лела йиш йолаш хургба 2025 шу чакхдалале.
