Тов бетта 28-ча дийнахьа, ГӏалгӀай паччахьалкхен 100 шу дизара хетадаь концерт хургда
Паччахьалкхен 100 дузаш хилара хетадаь концерт дӀахьоргда, тов бетта 28-ча дийнахьа 18 сахьат даьлча, Шолжа-Шахьара Дьякова цӀерагӀча стадиона тӀа. Культуран министро Лаьнанаькъан Залинас дийцар цох лаьца, Магасе Паччахьалкхен йоккха кхетаче дӀахьош.
Цо белгалдир, цига дакъа лоацаш 5, 5 эзар саг хургволга, хьожаш болча нахах.
Концерт массехк даькъа дийкъа да, царех цхьа дакъа ГӏалгӀай паччахьалкхе хьакхелла хилара хетадаьд.
Тов бетта 28-ча дийнахьа республикан кхыча моттигашка дездергда из цӀай. Масала, Магасе халкъа начӀала фестиваль хургья, концерт хургда. Хӏанз дувцаш да Наьсарен культуран цӏагӀа концерт дӀадахьара дош.
«Хӏара доал деча даькъ тӀара кулгалхо, министр декхарийла ва; гӀалгӀай паччахьалкхен 100 шу дизара цӀайга кийчо еш; шоашкара новкъостал де.
Из ди дӀадахьара бехктокхаме культуран Министерство хинна Ӏац, вайх хӀаравар а ва. Кийчон юкъе дакъа лоацаш хӀаравар хила веза», - аьлар ГӏалгӀайчен кулгалхочо Келаматанаькъан Махьмуд-Ӏаьлас, цу кхетачен лоархӀам бувцаш.
