Дабий-Юртарча коррекционный ишколе-интернате гуйран ярмарка хилар
Дабий-Юрта массаза санна гуйран ярмарка дӏайихьар. Дешара урхаллен болхлоша, иштта бераша дика кийчо яьяр цу цӏайга. Цар кийчдир тайп-тайпара даараш, цӏагӏа хьаяь мерза хӏамаш, шоай кулгашца даь балхаш. Дукха нах гулбелар цига. Бераша доаккхал деш гойтар шоай болх. Могашал эшаеннача берашта из кхетаче бокъонцахьа дола цӏай дар.
«Цига дакъа лоацаш хилар «Цаӏ йолча Россе» «Россе гӏулакх» яха федеральни партийни проект кхоачашъярга хьожаш вола Хамхой Батыр, Халкъа Гуллама депутат Чуранаькъан Мустафа. Уж хьежар гойта оттадаьча балхашка, цигарча берашца, хьехархошца къамаьл дир», - аьлар «Сердало» газетага «Цаӏ йолча Россе».
Из болх вӏашагӏбеллараша белгалдир, ярмарках берашта доккха цӏай хиннилга. Шоаш цига дакъа лоацаш хилар геттара доккха совгӏат дар царна.
Уж бар дизайнераш, даараш кийчдераш, пхьараш, хьехархой, тиканчаш. Дерригача дунен дай шоаш болаш санна, тӏаийцар цар из ди. Хьехархоша уж хьаллоацар, цар мел даьчун тӏехьа бар.
