Дунен хьалхарча тIема юкъе хиннача турпалхоех бола, гойтам дIахьу музее
В Ингушском Государственном музее краеведения им. Т. Мальсагова открылась выставка, повествующая о событиях и героях Первой мировой войны, которая началась в этот день 28 июля 108 лет назад. Исторические факты и документы ярко свидетельствуют, что славу русского оружия героически умножали тогда наравне с другими и представители ингушского народа.
«Хьалхарча дунен тIема юкъе эггара боккхагIа бола эшам Россега кхаьчар, цул тIехьагIа цхьацца долча Европа мехкашка. Цу тIемо хIара цIагIара ираз дихьар, дохадир наьха тоаденна лаьтта вахар, доаржадир дукха нах бовш дола у, ши миллион совгIа наьха вахара лар хоадайир. Дерригача дунен тIа дукха инвалидаш, бой дуташ лаьтта тIом ба из. Цу тIем тIа денал гойташ лаьттар гIалгIай къаман 1500 эзар совгIа бIухой.
Царна юкъе бар генаралаш хинна: Бекбузаранаькъан С., Малсаганаькъан С., Нальганаькъан Э., Укуранаькъан Т., полковникаш: Дальганаькъан К., Котанаькъан А., Совтанаькъан М., Хантиганаькъан Я., Орцханаькъан Х., Къилбаседа Кавказера хьалхара летчик Iоахарганаькъан Р., артеллирист, хургвола йоазанхо Малсаганаькъан О., иштта дуккха кхыбараш а. ГIалгIай полк цIихеза хиннай ший майралца. Из бакъдеш дола дукха совгIаташ телаш, чакхбаьннаб майра бIухой. Вайна цIаккха а бицбала йиш яц, цар хьабена никъ. ТIехьа тIа йоагIача тIехьен бовза беза, ший къаман турпалхой», — аьлар тха газета интервью луш, музея болхло йолча, Пхьилекъонгий Заретхана.
