«Хьаькъал дола цӀа» яха гӀирс оттабир тӀема доакъашхо волча ветерана фусаме
26.08.2024 09:58
«Хьаькъал дола цӀа» яхача гӀирсаца, аттачахьа даьккхар Магасе вахача тӀема доакъашхо волча ветерана хьал. Из хоам «Сердалога» бир «Даьхен Лорбой» яхача ганза моттигерча филиало.
«Аьрда кулги коги лозадаь, дегӀа могашал эшаенна висар Хазанаькъан Адам. Вишневски А. цӀерах йолча ЦВМТ НМИЦ госпитале дарба деш илла, цӀакхаьчав тӀема доакъашхо.
Дуккха аттагӀа хургда цунна хӀанз квартире ваха, лела. «Хьаькъал дола колонка», хаоттам гойташ йола чоалх, «хьаькъал» дола розеткаш, лампаш йоаергаш, лувжаш доаца кӀувсилгаш, робот-пылесос – из деррига тӀема ветерана хьал аттачахьа доаккхаш хургда», - йоах тхогарча хоамо.
