Мехкарча пхьарий ярмаркаш каст-кастагӏа дӏакхахьа лерхӏ Магасе
Вай мехкарча тайп-тайпара хӏамаш шоай кулгашца хьакхоллаш бола пхьараш, хӏара бетта Магасе ярмаркаш дӏакхахьа безам болаш ба. Из хоам «Сердалога» бир шахьара мэре.
«Шахьара даьца дийцар цар цу балхах лаьца. Шоай хӏамаш наха дикагӏа дӏайовзаргйолаш хӏара бетта керттерча шахьаре ярмаркаш дӏакхахьа ловш ба уж. Геттара раьза хинна дӏатӏаийцар из гӏулакх мэра, хӏана аьлча вай истори, культура йовзийташ бола болх ба пхьараша дӏахьор.
Шахьаре дукха туристаш тӏалаттарга хьежжа, шоай хӏамаш йохка аьттув хила беза цар», - йоах тхога бенача хоамо.
Мэре белгалдир, бахархой тӏаийбар шахьара администраце наха юкъера бувзам чӏоагӏбеш долга.
Дукха ха йоацаш, цига дийцар бахархошта вахаре, балха оттабарца новкъостал дарах. Хьакимашта, бахархошта юкъе массахана бувзам хила беза.
