Пайдане йола семинар хургья Магасе
23.01.2025 12:50
«Цхьана дегӀаух: берашца, кхувш боагӀарашца лелабе дика никъ ба, нагахьа царна ВПР дале» яха семинар дӀахьоргья хьатӀадоагӀача кӀира КДЛ, дега лазар долаш малхадаьннача берашта гӀо лоаттадарах болча «Кхо дог» яхача оагӀон болхлоша. Из хоам «Сердалога» бир КДЛ зарбан болх лелабераша.
«Амбулаторе, кхыйолча дарбанчешка цу мугӀарерча берашта боаггӀача боараме терко ергйолаш къахьегаш ба цу гӀулакха хьалхаэттараш. Дега лазар долаш малхадаьннача берашца, кагирхошца, цар даьшца, ноаношца болх дӀабахьар мишта хила деза гойташ я ерригача Россе «Тешаме телефон» яхача оагӀон хьалха латтача Громова Алинай, психолог йолча Никушина Маргаритай лекцеш», - дийцар тха газетага.
Керттерча портале гӀолла доакъашхой дӀаязбеш болх ба карарча хана дӀахьош.
