Лаьттан кӏалгӏолла бода кабель меттаоттабеш баьхкар Магасе
02.03.2026 10:02
Цхьацца кхоачамбоацараш бахьан долаш, болх ца беш хинна лаьттан кӏалгӏолла бода кабель меттаоттабеш баьхкар болхлой Малсаганаькъан Дошлакъий цӏерах болча урам тӏа. Из хоам «Сердалога» бир шахьара администраце.
«МКУ «Электросеть» яхача оагӏонцарча болхлоша, сиха оарцагӏбаьнна, меттадоаладир из гӏулакх», - йоах тхога бенача хоамо. Из хатар бахьан долаш юхе лаьттача вӏаштӏардаьча цӏеношкара нах сердал йоацаш бисабар.
Белгалде деза, из болх дӏабахьа безараш доал деш йолча компане болхлой болга, бакъда укхаза шахьара дас шийна хьатӏаийца, ма хулла сиха чакхдаьккхар из гӏулакх.
«Иштта дола кхоачамбоацараш нийслургдоацаш, дикача боараме шоай болх дӏахьош йола доал ду компанеш харжа еза», - аьлар бахархошка мэре болхлоша.
