Магасе керда дарбанче хьалъеш латт
19.07.2024 21:00
Магасе хьалъеш латт Гуцаранаькъан Микаила «Сафмар» яхача ганза кердача проектах йола наха лакхача боарам тӀара лорий гӀулакх лоаттаду дарбанче, яхаш, дийцар ГӀалгӀай Республикан Кулгалхочун зарбан болх лелабераша.
Цу унахцӀенон центре тӀеххьара араядаьнна гӀирсаш хургда. Из хьаелларца, республикан бахархой таро хургья, кхыча республикашка аха ца безаш, цу гӀулакха ахчаш а ца доадеш, шоай республикерча лорашка дарба де, чакхабала.
«Из накъадоалаш хургда дарбанчешкара болх тоабара, бахархой хьашташ дикагӀа кхоачашдара дара», - аьлар ГӀалгӀайчен кулгалхочо Келаматанаькъан Махьмуд-Ӏаьлас.
