Магасе, тӀахьожам боацаш, 24 газ чуйилла моттиг гучаяьлар
Магас-Шахьара прокуратура вахара-коммунальни боахама даькъ тӀа бокъонаш телхаеш моттиг йий хьожача хана, гучаяьккхар тӀахьожам боацаш газ чуйилла 24 моттиг, уж моттигерча доал деча Ӏаьдала дӀаязъяь а хиннаяц, яхаш, дийцар «Сердало» газетага ГӀалгӀай Республикан тӀахьожама боахаме.
«Цу юкъе Магас шахьара администраце уж моттигаш бокъонах йоаггӀача беса дӀаязъяь хилара даь хӀама а дац. Уж газ чуйилларца ювзаенна моттигаш сага бала боацаш а хиннай, тӀахьожам боацаш а хиннай», - аьлар мехка прокуратуре.
Доал деш ца хилча, хила езача боараме хила йиш яц уж, цудухьа наькъа бокъонаш телхаеш, цу моча моттигех наха зулам доал», - йоах хоамо. Цул совгӀа, цу дерригне а наха доагӀаш дола коммунальни хьалаш дӀакхачийтац.
ГӀалгӀай Республикан Магаса кхален суде дӀадхьийтад шахьара прокуратуран административни суда дехар, Магас администраце доал доацаш йола газапровод цхьанне доалахьа хургйолаш дӀачӀоагӀъе, аьнна.
