«ПРО.Блог» яха шин денах лаьтта кхетаче чакхъяьлар Магасе
Республикерча Паччахьалкхен Администраце, «Машук» яхача дешара оагӀоно цхьана вӀашагӀъелла хинна «ПРО.Блог» яха, шин денах латташ хинна кхетаче дӀакъайлар Магасе. Из хоам «Сердалога» бир цу моттигера.
Дукха хӀама дайзар цу юкъа мехкарча журналисташта: вай республикера, Адыгеера, ГӀаьбартой-Балкхарой мехкара, Черсий, Селий, ХӀирий, Нохчий мехкашкара гулбенна хиннача блогерашта.
ВӀаший Ӏадика ювцаш, шоашца бувзаме бала йиш йола белгалонаш тӀалатта, массахана шоайла оагӀув хьаллаца кийча болга гойташ дола каьхатах да фецара кемилгаш дӀахийцар цар. Из кхетаче вӀашагӀъелларашта доккха баркал аьлар цар.
«Баркал хилда массанена, иштта хоза дог гӀоздаларах, вӀаший бовза аьттув хиларах. Цхьан доазон тӀа гулденна, дукха хӀама довза, дӀа-хьа эца, керттердараш дашха аьттув баьлар.
ДӀахойодача хана, шоай болх дӀахьоча из деррига накъадаргда аьнна хет доакъашхошта», - белгалдир Мехкадаь, Паччахьалкхен администраце чухьарча политиках долча дааькъа хоамий - аналитически оагӀонна кулгал деча Абаьданаькъан Ислама.
Укх шера ахкан тӀеххьарча бетта, хургья вай мехка иштта йола шоллагӀа кхетаче.
