Россе Вахара ганза толашагӏа бола болхлой белгалбир Магасе
Вахара оагӏонцарча болхлочун Ди дездеча дийнахьа, вай мехкарча Россе Вахара ганза толашагӏа бола къахьегамхой белгалбир, Магасе дӏайихьача кхетаче. Из хоам «Сердалога» бир кхетачен хьалха лаьттараша.
«Вай мехкарча СФР оагӏон кулгал деча, мехкарча Халкъа Гуллама депутаталла кандидат волча Йовлой Зубейра ший къамаьла юкъе белгалдир республикерча СФР къахьегамхоша тахан дӏахьор боккха, лоархӏаме болх болга. Доккха баркал аьлар цо декхараш бехктокхаме кхоачашдеш, шоай никъ дикка тоабе хьожаш къахьегаш хьабоагӏарашта. Белгалбаьннача болхлошта лерхӏама грамоташ, баркал кхайкадеш каьхаташ делар», - йоах тхога бенача хоамо.
«Мехкара вахара оагӏонцара гӏулакхаш тоадара тӏехьа къахьегаш бола оагӏув ба Россе Вахара ганз, ше хьакхеллача дийнахьа денз. Иразе, беркате, аьттув болаш хилба массане никъ! Могаш, маьрша долаш, шоай балха тӏа дукха толамаш долаш къахьега низ хилба шун дӏахо а!» - аьлар Йовлой Зубейра, ший болхлошка къамаьл деш.
