Магасе дийцар, наркоманеца къовсам лоаттабарах
Магас шахьара администраце кхетаче дӀайихьар наркоманеца къовсам лоаттабара хетаяь, цига керттера дийцар дар, хӀара шера социально-психологически хьал довзаш ишколашка 2024-2025 шерашка дешархошца дӀабихьача балхах лаьца. Кхетаче дӀаяхьара керттера маӀан дар - наркотически хьал юхатохар, цунна духьалъоттара дешархой кийчбар, яхаш, дийцар «Сердало» газетага столицерча зарбан болх лелабераша.
«Кхетаче дӀахьош, дешара моттигий кулагалхоша цу юкъа шоаш баьча балхах дийцар, иштта белгалйир халагӀа йола моттигаш. Цига хиннача хоамаша таро лургья, цӀеннах чу а увтташ, боагӀаш бола болх дӀабахьа.
Иштта хьехам балара хьалхара болх дӀабахьар вӀашагӀделлар, дешархой сакхетам лакхбара, цу воча наькъ тӀара уж бахара.
Из болх тӀаберзабаь ба кагирхой цу вонах лорабара, цар могашал тоаяра, Магасерча юкъарлон бехктокхам лакхбара.
