Магасе яхьаш хилар зӀамигача футболах
Магасерча культуран, спорта, туризма Центро, «Калой» яхача ахчанца ювзаенна йоацача моттиго цхьана дӀайихьар зӀамигача футболах ишколай ондаргий тоабашта юкъера яхьаш, яхаш, дийцар «Сердало» газетага ЦКСиТ кулгалхочун заместитела Янданаькъан Абте.
«Магасерча йийллача кепара йолча физкультурно-могашал тоаяра комплекса даькъ тӀа вӀашагӀъелла турнир хетаяь яр Сийлахь-боккхача Даьймехка тӀема хана Сталинграде лаьттача довна 83 шу далара.
Цу яхьашка дакъа лаца таро хилар йиъ футбольни ишколе (клубе) Ӏомалучар, царна кулгал деш вар Бузуртанаькъан Микаил (2 тоаба), Исмейланаькъан Ӏийса, Оздой Або-Бакар», - аьлар хоамо.
Яхь чакхйоалаш, толама моттигаш йийкъар укх тайпара. «Динамо Магас - 2013» яхача тоабо хьалхара моттиг яьккхар. Котало яккха цхьа гӀа мара ца эшаш яр «Магаса лицей» оала ФК. Борза моттиг кхаьчар «Айлам Магас» тоаба. Хӏаьта йиълагӀча моттиге яр «Динамо Магас - 2014».
Культуран, спорта, туризма центра кулгалхочо Къоастой Мухьмад-Башира даькъалабийцар беррига яхьашка котбаьннараш; баркал аьлар ЦКСиТ, НКО «Калой» берригача болхлошта, тренерий тоаба, даьй-ноаной комитета, уж спортивни яхьаш дӀахьош дакъа лацарах.
