Наха низ бара духьала къовсам лоаттабеча комиссе кхетаче хилар Магасе
ГӀалгӀай Республикан кулгалхочо Келаматанаькъан Махьмуд-Ӏаьлас кулгал а деш,терроризмаца къовсам лоаттабара йолча комиссе кхетаче дӀайихьар. Цига дакъа лоацаш хилар бокъонаш лораерий, тӀахьожам лоаттаберий кулгалхой, хьем боаццаш гӀулакх леладерий, мехка доал деча доакъош тӀара хьакимаш. Дувца оттадаь дош дар дукха нах вӀашагӀкхетача моттигашка; вахарца, транспортаца ювзаеннача республикан кхыча гӀишлошка кхерамзлен Ӏалашо яр.
ГӀалгӀайчен Кулгалхочо гулбеннарий терко тӀаэзар, юрта нах бахача моттигашка тӀехьара тӀа кхерамзлен Ӏалашо яь хургйолаш болх дӀабахьа безара, республикан доазон тӀарча гӀишлошка цу деша кийчо е езаш хилара, терроризма духьалъоттара массе оагӀорахьа йолаш йола таронаш юкъеяха езара. Болх иштта дӀахьолга чӀоагӀдир.
Белгалдир, къаьстта мархий еза ха йолаш, ГӀалгӀайчен нах дукха вӀашагӀкхийттача зулам хургдоацаш кийчо яра.
Цу тайпара болх дӀахьош хиларо тешшаме лорадергда кхерамзлен Ӏалашо яра дош.
ЛоархӀаме да вай мехкахоша, из хьал довзаш хиларах тарра, шоаш дегабуам беча моттигах Ӏаьдалга хоам бар. Цхьана хиларца мара, вайна могаргдац из унзара зулам юхатоха.
