Магасе шоай хIама хьадерий «Стартап» яха кхетаче хургья
12.11.2025 11:30
Ер бутт чакхбоалаш, кагирхой цхьанкхетарий ЦӏагӀа шоай хIама хьадечар «Стартап» оала кхетаче дӀахьоргья. Магас-Шахьаре гуллургба доалахьарча предприятей дай, иштта из болх бизнеса даькъ тӀа дӀаболабераш, яхаш, дийцар «Сердало» газетага цигарча зарбан болх лелабераша.
«Кхетаче дӀахьош дувца лерхӀ юкъарча гӀулакхех, хӀанз мара дӀаболалуш боацача бизнесменашта хьалхашка нийслуча халонех, иштта студенташ юкъеозарах, бизнеса даькъ тӀара викалаш хьаллоацарех, балха говзал юкъеяккхарах», - аьлар хоамо.
Лайчилла бетта 25-ча дийнахьа, цар Ӏомадергда Iилман юкъара дешаш, уж латташ да лекцех, говзанча хьехамаш дӀадахьарах. ШоллагӀча дийнахьа цар хьаьшашца дагабалар хургда хьехамчаш, поалхам екъар долча даькъ тӀа, шоай проекташ гойтаргья инвесторашта.
