«Гӏалгӏайче - кхерамзлен мохк» яха кхетаче чакхъяьлар Магасе
Магасерча кагирхой цхьанкхетарий Цӏагӏа «Гӏалгӏайче - кхерамзлен мохк» яха кагирхой хьехамчий республикански кхетаче чакхъяьлар, яхаш, хоам «Сердало» газетага из болх вӏашагӏбеллараша.
«Цига дакъа лоацаш вар 120 совгӏа саг: хьехархой, тренераш, кагирхой проекташта тӏахьожам лоаттабераш, иштта юкъарлон викалаш, цар таро хилар балха даькъ тӏа эшаш йола говзал эца. Цига дувца йиш йолаш дар дешара, практически балха дакъа, иштта экстремистски даькъ тӏарча темах, Россе халкъашта юкъе леладеча доттагӏала хьал чӏоагӏдарах, кагирхошта кхерамзлен хьалаш хьакхолларах», - аьлар хоамо.
Цул совгӏа, кагирхой 16-35 шу дараш шоай проекташ гойтар грантови яхье, котбаьннарашта 300 эзар сом хьожадир.
Кхетачен чаккхе еш, вӏашагӏъеллар Гӏалгӏайчен хьехамчий, кагирхой политикан болх дикагӏа дегӏабоалабара йола балха оагӏув.
Из вӏашагӏкхетар дӏадахьар лоархӏаме дар шоайла балха говзал эцара, иштта балха даькъ тӏара къамаьл дӏадахьара. Юкъарча гӏулакха хӏара доакъашхочо шийгара дакъа юкъедера - Гӏалгӏайчен дика, бехктокхаме бола, кхераме боаца кагирхой хьалкхебара», - аьлар Гӏалгӏай Республикан кагирхой гӏулакхех йолча Комитета кулгалхочо Малсаганаькъан Адама.
