Магасе хьалъеш я, Гӏалгӏайчен мехктохкама музея керда гӏишло
Магасе дика дӏахьош ба Гӏалгӏайчен паччахьалкхен мехктохкама музея керда гӏишло хьалъяра болх. Из болх даим тӏахьожам болаш ба республикан гӏишлошъяра Министерствон оагӏорахьара.
Гӏишлошъяра министерстве, «Сердало» газетага ма аллара, из болх карарча хана 10,2% кхоачаш баь баьннаб. «Гранд-Строй-Лидер» ООО болхлой низаца аьшкабетона Iоакъашца вӏашагӏболлаш бола болх 80% йистебаьккхаб. Гӏишло хьалъяра балхаш контракто яьча чӏоагӏонга хьежжа дӏахьош да. Хьалхарча балха даькъага дӏадахар 258 миллион сом да, цу юкъе из болх дӏаболабаьча хана денз, даь даьннача балхашка дӏадахар 177 миллион сом совгӏа да. Юкъара дӏалаьрхӏача цу йоккхача культуран проектага дӏадодар 1, 57 миллиард сом совгӏа да.
Хургйолча музея гишлош хьалъяьй хьалхале лелаю архитектуран технологеш дӏалоархӏаш. Керда кхозза вӏаштара яь гӏишло, цу юкъе шиъ лакхера этаж а йолаш, 7,4 эзар совгӏа квадратни метр я, цу чу 497 сага лаьрхӏа моттиг хургья. Из моттиг 10 эзар квадратни метр долча лаьттан тӏа хьалъеш я, гӏишло хьалъеш дӏалоацар я 3 эзар квадратни метр, юкъара гӏишло 34,2 эзар кубически метр я.
Керттера терко лоаттаю хьабеча балха дикала. Технически заказчика болх беш я «УКС РИ» ООО, дерригача технологически боарама хьалаш лорадара тӏахьожам лоаттабеш ба «РосСтройКонтроль» ФБУ инспектораш.
Гӏалгӏайчен столице, из керда Паччахьалкхен музея гӏишло хьаеллар, республикан тӏехьаленна боккха историко-культуран мах болаш да. Керда комплекс хургья ӏилман-дешара, туристически майда, из я Россе еча дикагӏа йолча гӏишлой хьисапе.
