МагӀалбике Шейха Мансура урам тоабеш латт
24.04.2024 15:29
ГӀалгӀайчен МагӀалбике, «Вахар, шахьара хьалаш хьакхоллар» яха проект, «Фусамаш, шахьара хьалаш» яха къаман проект кхоачашъеш, тоабе болабир Шейх Мансура цӀерагӀа урам, яхаш, дийцар «Сердало» газетага мехка гӀишлошъяра Министерстве.
«Говзанчаш, гӀишлонхой, никъ шаьрбеш, кӀийле кийчъеш ба, жагӀа-гӀум ӀотоӀаеш.
Из никъ тоабаь баьнначул тӀехьагӀа, цига бахаш болча наьха дика хьалаш хургда цунца дувзаденна: шаьра Ӏобилла керда никъ, гӀашлой наькъаш, урамашка латта сердалон бӀоагӀий», - йоах хоамо.
Цу балха керттера декхар да, дуккхача наха вахара хьалаш кхоллар, вахар аттача даккхар.
