СВО Магӏалбикерча ветерана нанна санаторе яха новкъостал дергда
«Даьхен лорабой» яхача ганза мехкарча филиала боккха болх лоаттабу тӏема операце доакъашхошта, цар цӏагӏарча наха гӏо деш. Даьхе лораеш латтарий дезалашта гӏо дар тахан лоархӏамеча декхарех долга кхетаду вай. СВО ветерана Булгучанаькъан Хьасана дезал болча ваха хилар тахан ганза филиала болхло вола Коазой Хьамид. Тӏема аренашка лозаваь хиларах, тахан цӏагӏа дарба дӏахьош ва Хьасан. Ветерана фу эш, малагӏа новкъостал дича дикагӏа хургда техкар филиала болхлочо. «Сердалога» из хоам бера ганза филиалера.
Ветерана нанас Боканаькъан Тамарас шийна гӏо дар дийхар царга. Дегӏаца лазараш долаш я из, цунга хьежжа хан-ханнахьа санаторе яха, дегӏа могашал меттаоттае езаш хул. Цига яха бокъо вӏаштӏехььяккха шийна, аьнна, дехар дир цо. Коазой Хьамида къахьегаргда эшаш дола каьхаташ гулдеш, ветерана нана салаӏа, могашал меттаоттае йохийташ.
Цул совгӏа, бӏухочун дезала ӏаьдалгара малагӏа новкъостал доагӏа белгалдир цо.
