Магӏалбикерча дешархоша лоаллаш хиннача машина никъ гоалбаьлар
«Заьзгакъонгий-Юрт-Горагорск» яхача наькъ тӏа, кагирхой бехке болаш, хатар хилар. Шаккха машин лоаллаш баьгӏараш 18 шерга кхачанза ба. Из хоам «Сердалога» бир МВД зарбан болх лелабераша.
ӏаьдала болхлоша белгалдечох, «ВАЗ-2110» яха машин лоаллаш ваьгӏа ийслагӏча класса дешархо «Мерседес-Бенц 212» яхача машина тӏакхийттав. Цун ханара кӏаьнк ва из машин лоаллаш ваьгӏар а. Заьзгакъонгий-Юртарча Мира оалача урамгахьа дӏахьовзаш хиннав шоллагӏвар.
«ВАЗ-2110» лоаллаш ваьгӏар, иштта цун ханара вола цу чу ваьгӏа ши кӏаьнки цхьа йиӏиги Магӏалбикерча дарбанче ӏочубигаб. Шаккха машин ӏаьдала моттиге латт тахан.
Барайтта шерга кхачанза бола, машин лалла бокъо йоаца къонгаш машинашца арабалийтарах 1-ча даькъа 5.35-ча оагӏонах, 3-ча даькъа 12.7-ча оагӏонах доагӏача беса бектокхаме озаргба ӏаьдала болхлоша цар ноаной.
