Шахьаре лостам беш, шоатта дадахьа лерхӀ МагӀалбике
08.09.2023 00:24
МагӀалбикера моттигаш цӀенъе арабаргба кхоана цигара бахархой. Укх бетта 10-ча дийнахьа дӀадахьа дезача хоржамашца дувзаденна, шахьара администраце болхлоша лаьрхӀа беркате гӀулакх да из. Хоржамаш дола ди хьаотталехь, массайолча моттигашка лостам болаш хила деза гӀулакх.
«Балха моттигашкара нах, кагирхой, шахьарах дог лазаш мел бараш хьабийхаб оаха, шахьара моттигаш цӀенъе. ХьатӀадоагӀа хоржамаш теркалдича, динза даргдоацаш гӀулакх да из. Шахьаре вахаш, болх беш вола хӀара саг цу моттигах дог лазаш хила веза», - аьлар тха газетага МагӀалбикерча администраценна кулгал деча Галай Мусас.
