МагӀалбике, СВО доакъашхой хьаллоацаш, концерт хилар
МагӀалбикерча №3 йолча ишколе Даьхенцарча безама концерт хилар, денал гойташ тӀема мугӀарашка латта СВО доакъашхой хьаллоацаш. Царех хӀаране ший дакъа юкъедахь вай мохк лорабеш, боккъонца дола денал, майрал гойташ. Из хоам «Сердало» газетага бир цигарча зарбан болх лелабераша.
Концерте дакъа лоацаш яр МагӀалбик-Шахьара культуран цӀен тоаба. Кхетаче иштта дакъа лоацаш хилар «Престиж» яха вокально-инструментальни ансамбль, иштта «Лоаман оаз» яха кхалнаьха тоаба.
«Оаха доаккхал ду, СВО вай мехкахоша гойтача деналах, царна карагӀдоалачох. Котало яхьаш уж цӀаберзар дезар тхона», - аьлар шахьара кулгалхочо ГӀантамаранаькъан ЯрагӀе.
Кхетаче дӀахьош дукха дӀайха дешаш аьлар вай турпалхой хьаллоацаш; Россе, Даьхен декхар дизза кхоачашдеш уж хилар белгалдеш.
