Боконаькъан Ахьмада 100 шу дизара хетаяь сайре дIайихьар МагIалбике
25.10.2024 11:46
МагIалбика №3 йолча ишколе дIайихьар, Нохч-ГIалгIай халкъа йоазонхо хиннача Боканаькъан Хьаме Ахьмад ваь 100 шу дизара хетаяь дагалоаттама сайре.
Ишкола дешархошца, хьехархошца дIахьош хиннача кхетачене; дакъа лоацаш хилар шахьара культура цIен болхлой.
Юха хозаш яр тахан тIехьенга кхаьча цун кхоллама оаз, цо тешал дора: Боканаькъан Ахьмада кхоллам тахан а эшаш ба, из дийна волаш хиннача хана мо, цун ший дешархой а ба.
«Боканаькъан Ахьмада дитад вай тIехьенна, мах баь варгвоаца гIалгIай меттала кхелла литература. Цун цIи яхаргья халкъа дегашка», - аьлар кхетаче вIашагIъеллараша.
