Магӏалбике догӏаш дийлхачул тӏехьагӏа, биса болх дӏабоаккхаш латт
Магӏалбика-шахьара хьалхарча микрорайона хьал аттачарех дац, догӏаш делхарах. Наьха цӏеной подвалашка хий чудаьннад, моттигера бахархой чӏоагӏа сагота ба цун. Дукхагӏа хий чудаьннад вӏаштӏардаьча цӏеной подвалашка цига хьадж хьайоагӏаш хиларал совг0049а, ма барра кхерам ба дӏахо мел долча вахара а. Бахархой кхераш ба тока саьргех, иштта гӏишлон лардаш харцарах.
«Шахьара кулгалхочун декхараш кхоачашдеш вола Боканаькъан Мухьмад, мэре викалашца, «Дошо дӏоагӏа» яхача компане кулгалхочунца Доданаькъан Ахьмадаца, иштта «Магӏалбик шахьар тоаяр» яхача МКУ кулгалхочунца Гаьгенаькъан Ахьмадаца, кхы гаьна ца доаккхаш, ваха хилар цу моттиге. Цига цун къамаьл хилар моттигерча бахархошца, цо ладийгӏар царна къувлаш долча хаттарашка, бахархошта дош делар, цох де йиш йола дика хӏама хьадергда, из хьал аттача доаккхаргда, аьнна», - яхаш, дийцар «Сердало» газетага Магӏалбика- Шахьара администраце.
Боканаькъан Мухьмада ший теркама юкъеийцар догӏаш дӏаахара дола хаттар. Кастлуш говзанчаша уж балхаш дӏахьоргда, кхы догӏа чударгдоацаш цига эшачунца ӏалашо еш.
Болх дикал йолаш бе беза, наьха кхерамзлен ӏалашо яь хила еза, моллагӏа мара ха хиларах микрорайона даькъ тӏара хьал лораде деза.
