Дото майдилг яхьаш воагIача спортсмена, духьалбахар МагIалбике
28.05.2024 11:52
23 шерга кхаьчача ондаргашта юкъе дIадихьача лоIамерча латара къовсамашка дото майдилг йоаккхаш белгалваьннача ЦокаевгIар Iаьланна духьалбахар МагIалбике. ГIуозлой мехка дIайихьача яхьашка, гулбеннабар дикагIа бола спортсменаш. «Сердалога» из хоам бир МагIалбикерча администраце.
«ГIуозлой спортсмен санна латаш хиннача вай мехкахочо дикка говзал хьекхар цига. Баркал кхайкадеш дола каьхати ахчеи делар спортсмена шахьара администрацен кулгал деча Галай Мусас.
Белгалде деза, ЦокаевгIар Iаьла кхыча моттигашка а толамаш доахаш хьавенилга. Ерригача Россе яхье, дунен хьалхаленашка борза майдилг яьккхарех ва из.
