Магӏалбика кхале дийцар балха керттера дешаш
Гӏалгӏайчен Магӏалбика доал деча кхален администраце кулгалхочун гӏончас Къоастой Руслана балха кхетаче дӏайихьар юртий кулгалхоша, царна чудоагӏача боахамий, бе-беча доакъой кулгалхоша дакъа лоацаш. Кхетаче дӏахьош, доакъашхоша дийцар балха керттера дешаш, иштта дӏахо де лерхӏар белгалдир. Цига терко тӏаяхийтар эскаре амал де тӏахьехара кампани хӏанз чакхъяьнна хилара, из дӏахьош даь даьннар белгалдир, иштта гойтача толамашта мах оттабир.
«Кхетаче иштта дийцар доалахьара боахам лелабара дош. Юртарча администрацей кулгалхошта тӏадиллар шоай ханнахьа эшаш дола каьхаташ кийчдар. Къаьстта йола терко тӏаяхийтар коммунальни декхар гулдара, иштта дийцар юрта бахача наха юкъера ЖКХ мах дӏабалара хьал аттача даккха дезаш хиларах. Из доацаш а, цӏенош а боахамаш а хьатӏаяздара хаттарашка хьежар.
Белгалдир дӏаязбаь хила безилга доалахьара боахам, нахаца каст-каста болх дӏахьош хила беза, доалахьардар юридически чӏоагӏдаь хила дезилга хьалхадоаккхаш», - аьлар «Сердало» газетага Магӏалбика кхален администраце.
Кхетаче чакхйоалаш, Къоастой Руслана белгалдир хьалхашка оттадаь хаттараш бехктокхаме кхоачашде дезилга.
