ЦӀи дӀа-хьа яржаргйоацаш, лаьтта оахаш боахк МагӀалбике
23.05.2024 09:43
ЦӀи яьнна хатар хилча, цӀи дӀа-хьа гӀоргйоацаш; гонахьара лаьтташ оахаш боахк МагӀалбика кхале. Из болх ханнахьа дӀабахьар тӀадиллад кхалерча администрацена хьалха латтача Къоастой Ӏаддал-Хьамида.
«Йокъаенна йоархӀаш лотаенна хатар хилча, цӀи дӀа-хьа яржийтаргьяц гобаьккха улла лаьтта аьха Ӏодиллача», - дийцар администраце зарбан болх лелабераша.
Администраце кхайкарал ду бахархошка, боккъал а ма летае йокъаенна латта баьцаш, оашош цӀи йийзача, из бокъонца дӀаяйна яллалца юхера дӀа ма аха! Фийла хила, лорале цӀерацарча хатарех!
Ахкан денош хьаэттача, дӀадолалу кхаьч-кхаьчача цӀераш етта во гӀулакх. Иштта йола цӀи сиха дӀа-хьа ярж, доккха доазонаш чулоацаш. Боккъал а хӀаравар ший доазон доал деш, бӀарглокхаш хила!
