Заӏапхо волча вахархочунна, цӏа деш боахк Магӏалбика кхале
Чӏоагӏа беркате болх дӏаболабаь боахк, Магӏалбика кхален Вежарий-Юрта. Заӏапхо волча вахархочунна цӏа деш боахк «Юкъаза» яхача гӏо деча ганза доакъашхой.
Муниципальни хьакимаша дакъа лоацаш, дӏахьош да из дика гӏулакх. Магӏалбика кхаленна кулгал деча Къоастой Ӏаддал-Хьамида хьаллаьцар из, гӏишлон балхаш дӏадоладаьча доазон тӏа лард ӏочуйотташ, эшаш бола кхоачам, иштта машинаш яйташ.
Болх дӏаболабе аьттув луш гӏулакх хилар цох тахан», - йоах «Сердалога» цу моттигера кхаьчача хоамо.
Нахагара гӏо эшаш волча сага чуваха фусам хилийтара тӏехьа кхален кулгалхочо дакъа лацар доккха да. Халача хьале болча бахархошта новкъостал дар лоархӏамеча декхарех долаш хьадоагӏа цига. Хьакимаш, гӏо лоаттадеш йола ганзаш, торо во ярех дог лазаш бараш цхьана оарцагӏбаьлча кӏалвисачун доккха новкъастал хул.
