Магӏалбика кхале культуран болхлой кхетаче хилар
Лохерча Ачалкхен культуран Цӏагӏа вӏашагӏкхетар хилар Магӏалбика кхален доал деча даькъ тӏарча салоӏама моттигий болхлошца. Кхетаче дӏайихьар, Культуран-салоӏама центра кулгалхочо Чергӏазанаькъан Ахьмада кулгал деш.
Магӏалбика кхален администраце «Сердало» газетага ма аллара, из кхетаче дӏахьош доакъашхоша дийцар культуран урхаллен керттера дешаш, хьатӏадоагӏа цӏай дӏадахьара кийчо ярах, кхоллама кружокаш дегӏайоалаярах, культуран-салоӏама организацей болх тоабарах.
Чергӏазанаькъан Ахьмада белгалдир урхаллен болх тоабара хаттар лоархӏаме хилар. Цо аьлар, тахан кхетаче дика кийчо яь хилара терко тӏаяхийта еза, берий кхоллама таронаш дегӏайоалае еза, иштта дика хьалаш хьакхолла деза кхален культуран вахара юкъе бахархоша дакъа лоацаргдолаш.
Цунца цхьана белгалдир, хьалхашка оттадаь декхар бехктокхаме кхоачашдеш хилар.
Дӏахойодача хана де дезар белгалдир. Юрташкарча культурай Цӏеношта хьалхашка декхар оттадир, шоаш долча моттигашка цӏайна программаш дӏаяхьара кийчо е, кхоллама тоабаш хьаллацара болх дӏахо дӏабахьа.
