Илдарха-Гӏалан мэре кхувш боагӏарий гӏулакхех йолча кхела кхетаче хилар
Илдарха-Гӏалан администраце, кхувш боагӏарий гӏулакхех йолча кхела аргӏанара кхетаче хилар. Из дӏайихьар вар шахьара кулгалхочун гӏонча Йовлой Тимур. Цига дакъа лоацаш бар тӏахьожам лоаттабара хаттараш чудоагӏача моттигий, урхаллений викалаш.
«Сердало» газетага, Илдарха-Гӏалан администраце зарбан болх лелабераша ма аллара, комиссе техкар ийс административни моттиг, уж цигарча бахархошца ювзаенна яр. Цар даьй-ноаной шоай дезалашка хьажара декхар лерттӏа кхоачашдеш цахилар белгалдир, шоай кхувш воагӏа дезалхо фу деш ва ха, цун тӏехьахьажа уж декхарийла хилар хьалхадаьккхар. Уж тохкаш, административни ӏоткъам бара хьалаш юкъедаьхар, иштта гӏод техар, царна лаьрххӏа хьалхадаьккхар дӏахо уж бехктокхаме оттабеш дола хьал.
Цул совгӏа, берий даьшца-ноаношца говзанчаша къамаьл дир, шоай фусамера хьал тоадара уж тӏахьийхар.
