Цхьаь бахача Магасерча къабеннача кхалнаха новкъостал деш хилар дешархой
Таро йоацача, цхьаь бахаш болча Магасерча ха яхача кхалнаха новкъостал де арабаьлар дешархой. Из хоам «Сердалога» бир «Дикача наьха клуб» яхача гӏо деча ганзо. «Къахетаме хила, зӏамига долча хана денз, ӏомаде деза бераш.
Шоай хьехархоша оагӏув хьаллоацаш, гӏо эшарашта новкъостал де эттар шахьарерча № 3 йолча ишкола дешархой, геттара раьза болаш. Цӏагӏа хӏара дийнахьа эшаш бола кхача, иштта цӏено еш, кулг тохаш, эшаш йола хӏамаш ера цар, дӏахо «Дикача наьха клуба» доакъашхоша, гӏо деш лелараша новкъостал деш, мискача наха дӏадийкъар кхачан тӏормигаш», - дийцар КДЛ СММ болхло йолча Гиренаькъан Лейлас.
«Цхьайолча хана цхьа доккха доаца гӏо дича а чӏоагӏа дог айдале, тоам хиле кхаст саг. Къаьстта лоархӏаме да уж беркате гӏулакхаш, бера хана денз, вай къонача тӏехьенна дӏаӏомадар, хьалхадахар. Вӏаший къахетаме, дог лазаш, гӏо де кийча болаш хиларга цхьаккха кхоачаргдац», - аьлар дика гӏулакхаш деча клуба кулгал деча Матенаькъан Натас.
