ГӀалгӀай къаман
юкъара газет

Кердадараш

Ахархоша дийцар, ялаташ дӀадерца а чуэцарца а дувзаденна дош

Фото: Минсельхоз РИ
Совещание с директорами государственных предприятий, подведомственных Минсельхозу РИ.

АргӀанара кхетаче дӀайихьар, юртбоахама министервонна чуйоагӀача паччахьалкхен предприятей кулгалхошца, министра Гаьгенаькъан Мухьмада, яхаш, дийцар «Сердало» газетага цигарча болхлоша.

«ЛоархӀаме къамаьл хилар цу кхетаче, къаьстта терко тӀаяхийтар ялат чуэцара. Юртбоахма моттигашкарча кулгалхоша шоай боахамашкара хьал дийцар; фуца, дӀатохача молхашца яьча Ӏалашонах а хьоахадир, дӀахо белгалдир доагор, эшаш йола техника Ӏалашъяра дош», - йоах хоамо. Министро юртбоахама къахьегамхой тӀахьийхар, массадолча боахамашка дӀаде дикагӀа дола фу эцара. «Нагахьа санна вайна дика хьувкъам безе, вай дикагӀа дола фу леладе деза», -аьлар Гаьгенаькъан Мухьмада. Цу кхетаче иштта дакъа лоацаш яр ГӀалгӀайчен Россельхозцентра кулгалхочун заместитель Мураданаькъан Марем, цо белгалдир фитоэкспертиза яккхар лоархӀаме хилар. «Цо таро хулийтаргя къаьстта малагӀа молхаш дикагӀа я ха, дӀадийнача ялата лазар хургдоацаш»,- аьлар говзанчас. Гаьгенаькъан Мухьмада юха а белгалдир, республикан юртбоахамашка гурахьа дӀадувш дола ялат дӀадера къаьстта терко тӀаяхийта езаш хилар, хӀана аьлча вайцига керттера хьувкъам лур, из гурахьа дӀадувш дола ялат да. Цо тӀахьийхар боахамий викалаш, гурахьа дӀахьош дола кхашкара балхаш ма хулла дикагӀа кхоачашдара.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде