ГӀаьленах доала зулам дувцаш, кхетаче хилар юртбоахаме
Тахан лораша лазарашта духьала беча балха, унахцӀенон Республикерча центра болхлоша къамаьл дир, ГӀалгӀайчен юртбоахама Министерствон болхлошца, яхаш, дийцар ахархой боахама зарбан болх лелабераша.
Лорий лазарашта духьалара болх дӀахьош хиннача Тиймарзанаькъан Маккас дийцар гулбеннарашта, мел чӀоагӀа сага могашала Ӏаткъаш я гӀаьле. Цул совгӀа, геттара во лоархӀаш йола гӀаьленаша хьахьоадеш дола лазараш а белгалдир.
«ГӀаьлен тхьамка массайолча дегӀа маьженашта Ӏаткъаш да. ГӀаьле озаш хиларо хьатӀайоаккх инфаркт, инсульт; иштта къамаргашта, багенна, пехкашта цӀийоацар оала лазар; астма, кхайкор, хьоа талхар, иштта кхы а дуккхадараш. Саг гӀаьле дукха увзаш вале, лазарашта духьалъоттара низ цун кӀезигагӀа хул», - аьлар Тиймарзанаькъан Маккас.
Къамаьл йистедоалаш, доакъашхошта хьалхадаьккхар (къайлагӀа хургдолаш) гӀаьлено хьахьоадаь лазар шийна дий тахкар духьа лорашка чакхбала безилга.
