Спорта гӏулакхех йолча министерстве белгалвир штангист Балайнаькъан Мухьмад
03.03.2026 09:23
Езача атлетиках йолча Россе Кубок яккхара яхьашка котало яьккха Балайнаькъан Хас-Мухьмад белгалвеш хилар цу оагӏонцара министерство. Из хоам «Сердалога» бир цу моттигера.
«Московски областерча Люберци оалача шахьаре дӏайихьача яхьашка котало яьккхача, лакха говзал йолча спортсмена республикерча Къаман ганзагара ахчан совгӏат, баркал оалаш каьхат дӏаделар министр волча Белхарой Руслана», - йоах тхога бенача хоамо.
Хьалхагӏа тха газетага гӏолла хоам баьбар, Хас-Мухьмада Кубке котало яьккхай аьнна. 109 кг дозал дарашта юкъе котваьннав вай мехкахо. Юххера цох хьахиннар: 401 кг аййир вай мехкахочо, царех 181 кг катеха, 220 кг дӏатетта.
