Илдарха-Гӏалий тӏарча вӏаштӏардаьча цӏагӏа цӏи яьлар
23.01.2026 10:23
Шахьарерча Осканаькъан цӏи лелаеча урам тӏарча дуккхача гӏатех долча № 27 йолча цӏагӏа цӏи яьнна хатар хилар укх бетта 22-ча бус. Из хоам «Сердалога» бир мэре зарбан болх лелабеча Кхорахой Мурада.
«Кхо сахьат бийсан даьннача хана, йиълагӏча гӏата тӏа хиннад хатар. МЧС болхлой сов сиха оарцагӏбаьнна, Даьла низаца ах сахьат далалехь дӏайоайир цӏи, кхыча квартирашка дӏачуялалехь. Цӏи йоаеча моттиге хьакхаьчар шахьара да Дидиганаькъан Ахьмад, шийца депутатски корпуса доакъашхой болаш», - дийцар администраце.
Белгалдечох, маьхах цу квартире ӏеш вола саг карарча хана цӏагӏа воацаш ва. 55 кв. м квартира еррига яьгай. Хатар хилара бахьан тока чу дӏачубелла баьллача цхьан гӏирсо яь замыкани хила мег, йоах МЧСо.
