Ахчан гӏулакхех йолча Москверча кхетаче, дакъа лоацаш хилар вай мехкахо
19.09.2025 09:38
Ахчан гӏулакхех йолча Москверча кхетаче дакъа лоацаш хилар вице-премьер, ахчан гӏулакхех йолча Министерствон кулгалхочун гӏонча Вешкаранаькъан Темарлан.
«Ахчанцара болх: декхараши белгалдаьраши» яхача оагӏонцарча программе дакъа лаьцар вай мехкахочо. Вешкаранаькъан Темарлана белгалдир, экономикан хьал хувцалуш хиларга хьежжа, ахчан оагӏонцарча балха лакха терко лоаттаяр чӏоагӏа лоархӏаме долга.
«Экономикацара хьал айдалара, бахархой хьал тоадалара тӏехьа лоархӏаме да из тахан», - тӏатехар цо. Москверча кхетачено гулбир федеральни, моттигерча оагӏонашцара хьакимаш, бизнесменаш, экономикан, ахчан гӏулакхех болча оагӏонцара говзанчаш, иштта кхыбараш.
Тахан цу оагӏонца хьадаьннача кердадарех, пайдане хургдарех дийцар кхетачен доакъашхоша.
