ӏаддалхой яхьаш дӏахьош я Мужеча
Республикерча спорта кийчо еча «Мужече» яхача моттиге дӏахьош я «Къамашта юкъера барт- 2026» яха ӏаддалхой Ерригача Россе яхьаш. Из хоам «Сердалога» цу моттигера бу. «Мехка 23 моттигера нах ба шоай говзал гойта гулбеннараш, цу юкъе я ЛНР, ДНР, Мариуполь. Иштта йола яхьаш вайцига хьалхара дӏахьош я, бакъда хӏанзчул тӏехьагӏа хӏара шера дӏакхухьаргйолаш я. Вайцигарча тоабан юкъе 27 саг ва», - йоах тхога бенача хоамо.
«Белгалде деза, цу яхьашка дакъа лоацаш бола ӏадсаькх деттараш халкъашта юкъерча оагӏонцара говзанчаш, дуккхаза белгалбаьнна чемпионаш болга. Хӏаравар коталонга кхача гӏерташ хиларо дикка айду яхьий гӏулакх», - дийцар вай мехкарча ӏаддалхой Федераце вице-президент волча Йовлой Мухьмада. Хьалхагӏа тха газето хоам баьбар; республике «Россе къамашта юкъера барт-2026» яхача яхьашка кийчо еш ба, аьнна.
