Мужеча 3D ӏаддалхой республикан чемпионат хургья
Мужеча 3D ӏадсаькх кхоссарах республикан чемпионат хургья, яхаш, хоам бир «Сердало» газетага Гӏалгӏай Республикан ӏаддалхой Федераце.
«Аьтинга бетта 19-ча денгара 21-ча денга кхаччалца, Шолжа кхален Мужечен спортивни даькъ тӏа гуллургва вай мехкара, лоалахарча республикашкара 100 совгӏа спортсмен. Программа чудоагӏаш да дика, безам тӏабода никъ кийчбар, бӏарчча ши го баккхар, 24 хьежорг, чаккхен тӏеххьара дакъа. Чемпионат дӏахьоргья 3D-кл, Историческ, 3D-блок, Олимпик, 3D-вӏашагӏдоаллаш, Спортинг, 3D-дӏаьха.
Кхетаче дӏахьор я Гӏалгӏай Республикан ӏад кхоссара, арбалета Федераци; ГӏР физически культура, спорта Министерство. Иштта цига дакъа лоацаш ва Россе машинаш еча Союза моттигерча даькъа, тӏема гӏирсаш, спецхими еча комплекса, «Ростех» яхача Паччахьалкхен корпораце кулгалхо Оздой Бек-хан», - аьлар хоамо.
