ГӀалгӀай къаман
юкъара газет

Кердадараш

Керда болхлой дӀаийбеш латт МВД

18 шергара 35 шерга кхоачаш бола керда болхлой дӀийбеш латт МВД. Из хоам «Сердало» газетага бир цигарча къахьегамхоша.

«МВД балха отта лаьрхӀа вола саг юкъера дешар дийша волаш, дегӀа могашал дика йолаш, эскаре амал даь хила веза. МВД балха эттача сага аьттув ба ший Даьхен сий лорадеш вола визза воӀ хинна ваха», - белгалдир МВД.

Бехктокхаме къахьега безам болча сага боккха аьттув ба цига: хӀара бетта дизза алапи эцаргда; лакхерча дешара моттиге, мах тела ца безаш, деша гӀоргва; ший балха тӀа лакхлуш дӀаваха аьттув ба. 

Болх беш 20 шу даьлча, пенсе ваха йиш я; мах тела ца безаш, дарба де аха аьттув ба; чуӀеш волча фусамах ахча тела дезе, из дӀатела а гӀо дергда МВД. Ший болх бизза дӀахьоча сага, боккха аьттув лу цу моттиго.

Балха отта безам бараш дӀатӀабаха беза моттиг: МВД, Магас, Кулиева цӀерах бола урам, № 14.Телефон- 8-8734-55-04-61.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде