«Укх деношка, республикан МВД зале, кхетаче дӀахьош яр РФ чурча гӀулакхий даькъа болхлой Денна хетаяь. Шоай гӀулакха тӀа белгалбаьннача болхлошта совгӀаташ дӀаделар ГӀалгӀай Республике гӀолла волча чурча гӀулакхий министра Коробкин Михаила», - аьлар хоамо.

Чурча гӀулакхий болхлой къахьегам ден-бус цхьоагӀо, машар лоаттабара тӀаберзабаь ба, республикан юрташка, шахьарашка зуламаш хургдоацаш, бокъонаш телхаергйоацаш, даим тӀахьожам лоаттабе безаш ба цар болх. Паччахьалкхен лоархӀамеча гӀулакха доккха дакъа юкъехьу бокъонаш лораераша.

Цу совгӀата дозал лакхдеш хиннар дар, Михаил Владимировича карара уж хьалуш хиннилга, яхаш, дийцар министерстве.

СовгӀаташ мел деннараш даькъалабийцар цхьана болх беча наха, кулгалхоша, вахаре а балха тӀа а цар аьттув хилар ловш.